សូមស្វាគមន៍

ក្រុមប្រឹក្សារបស់ក្រុមហ៊ុន Sound Transit កំណត់ជម្រើសជំនួសដែលពេញចិត្ត 

នៅឯកិច្ចប្រជុំរបស់ខ្លួននាថ្ងៃទី 26 ខែមិថុនានេះ គណៈក្រុមប្រឹក្សារបស់ក្រុមហ៊ុន Sound Transit បានកំណត់ជម្រើសដែលពេញចិត្តសម្រាប់គម្រោងពង្រីក Tacoma Dome Link (Tacoma Dome Link Extension, TDLE)។ ជម្រើសជំនួសដែលពេញចិត្តរួមមាន៖ 

  • កំណាត់ផ្លូវ South Federal Way (SF)៖ ទម្រង់ផ្លូវ SF 99-ភាគខាងលិច ព្រមជាមួយនឹងការកែលម្អការរចនាដើម្បីផ្លាស់ប្តូរទម្រង់ផ្លូវ​ទៅផ្នែកខាងកើតនៃ SR 99 នៅជិតខ្សែព្រំដែនខោនធី King/Pierce និងស្ថានីយ SF 99-352nd។
  • កំណាត់ផ្លូវ Fife៖ ទម្រង់ផ្លូវ Fife I-5 ជាមួយនឹងស្ថានីយ Fife។
  • កំណាត់ផ្លូវ Tacoma៖ ទម្រង់ផ្លូវនៅជិត Sounder ជាមួយនឹងស្ថានីយ Portland Avenue ព្រមទាំងស្ថានីយនៅជិត Sounder។  

មុនពេលកំណត់ជម្រើសជំនួសដែលពេញចិត្ត ក្រុមប្រឹក្សាបានគិតពិចារណាលើលទ្ធផលរកឃើញពី សេចក្តីថ្លែងការណ៍អំពីផលប៉ះពាល់បរិស្ថាន (Environmental Impact Statement, EIS) ច្បាប់ព្រាង មតិសាធារណៈដែលទទួលបាននៅក្នុងសេចក្តីថ្លៃងការណ៍អំពីផលប៉ះពាល់បរិស្ថានច្បាប់ព្រាង (EIS) ការវិភាគបន្ថែមនៅក្នុងការឆ្លើយតបចំពោះមិតសាធារណៈលើ EIS ច្បាប់ព្រាង ឧបករណ៍ចូលរួមប្រកបដោយសមធម៌របស់ Sound Transit ព្រមទាំងការណែនាំនានាពីបុគ្គលិក។ ចូរអានបន្ថែមអំពីសកម្មភាពរបស់ក្រុមប្រឹក្សានៅក្នុង សេចក្តីប្រកាសព័ត៌មាន និង ញត្តិរបស់ក្រុមប្រឹក្សា ឬ មើលវិដេអូថតចម្លង។

ការកំណត់ជម្រើសដែលចង់បាន មិនមែនជាការសម្រេចចិត្តចុងក្រោយលើគម្រោងដែលត្រូវសាងសង់នោះទេ។ ចំណាត់ការនេះបង្ហាញពីទិសដៅដែលក្រុមប្រឹក្សាកំពុងឈានជើងទៅ ដោយផ្អែកលើព័ត៌មានដែលមាននៅពេលនេះ។ ក្រុមប្រឹក្សានឹងធ្វើសេចក្តីសម្រេចចុងក្រោយទៅលើគម្រោងដែលត្រូវសាងសង់បន្ទាប់ពីការវាយតម្លៃចំពោះជម្រើសដែលពេញចិត្ត និងជម្រើសដទៃទៀតនៅក្នុង EIS ចុងក្រោយ ដែលរំពុងទុកថានឹងបញ្ចប់នៅក្នុងឆ្នាំ 2027។

ជំហានបន្ទាប់

ក្រុមហ៊ុន Sound Transit បន្តជំរុញការរចនាគម្រោង និងការបំពេញការងារដើម្បីរៀបចំសម្រាប់ EIS ចុងក្រោយ។ យើងនឹងបន្តធ្វើការជាមួយនឹងប្រជាជាតិកុលសម្ព័ន្ធ យុត្តាធិការក្នុងតំបន់ ម្ចាស់អចលនទ្រព្យ និងសមាជិកសហគមន៍នៅទូទាំងច្រករបៀងគម្រោង។

បន្តតាមដានព័ត៌មានលម្អិតអំពីសិក្ខាសាលរៀបចំផែនការតាមតំបន់ស្ថានីយនាពេលខាងមុខ ហើយលើកទឹកចិត្តដល់មិត្តភក្តិ ក្រុមគ្រួសារ និងអ្នកជិតខាងរបស់អ្នកឱ្យជាវព័ត៌មានថ្មីៗអំពីគម្រោង ដើម្បីបន្តទទួលបានការជូនដំណឹង។

ត្រូវការព័ត៌មានបន្ថែមឥឡូវនេះ?

ពិនិត្យមើល ទិដ្ឋភាពគម្រោងទូទៅ ឬចូលទៅកាន់ គេហទំព័ររបស់យើង សម្រាប់ព័ត៌មាន និងធនធានបន្ថែម។ ចុះឈ្មោះទទួលបាន ការធ្វើបច្ចុប្បន្នភាពតាមអ៊ីមែល សម្រាប់ព័ត៌មានចុងក្រោយបំផុតទាំងអស់នៅពេលដែល Tacoma Dome Link Extension មានការអភិវឌ្ឍ។

មានសំណួរ ឬចង់ធ្វើការណាត់ជួបសង្ខេបជាមួយសមាជិកក្រុមនៃគម្រោង?

ទាក់ទងមកកាន់យើងតាមរយៈ
អ៊ីមែល៖ tdlink@soundtransit.org
ទូរសព្ទ៖ 206-398-5453

ទិដ្ឋភាពទូទៅនៃគម្រោង

គម្រោងកំណាត់ផ្លូវរថភ្លើងបន្ថែម Tacoma Dome រួមមានបួនផ្នែក៖ Federal Way, South Federal Way, Fife និង Tacoma។ គម្រោងនេះស្ថិតក្នុងដំណាក់កាលធ្វើផែនការ។

ការពង្រីកផ្លូវរថភ្លើងធុនស្រាលក្នុងតំបន់ពី Federal Way ទៅ Tacoma

គម្រោង TDLE នឹងបន្ថែមសេវាកម្មផ្លូវរថភ្លើងធុនស្រាលចម្ងាយជិត 10 ម៉ាយល៍ ដល់ប្រព័ន្ធផ្លូវឆ្លងកាត់ក្នុងតំបន់របស់យើងតាមរយៈការលើកផ្លូវដែកឱ្យខ្ពស់ផុតដោយសារតែផ្លូវដែកនោះឆ្លងកាត់ទីក្រុងនៃ Federal Way, Miltion, Fife និងជាផ្នែកនៃខោនធី King និង Pierce។ វាក៏ឆ្លងកាត់ទឹកដីដូនតា និងបម្រុងទុកនៃកុលសម្ព័ន្ធ Puyallup នៃជនជាតិដើមអាមេរិកាំងផងដែរ។ គម្រោងនេះរួមបញ្ចូលទាំងស្ថានីយរថភ្លើងធុនស្រាលថ្មីចំនួនបួននៅក្នុងតំបន់ South Federal Way, Fife, Portland Avenue និងតំបន់ Tacoma Dome។ ស្ថានីយទាំងនេះក៏នឹងភ្ជាប់ទៅសេវាកម្មដឹកជញ្ជូនផងដែរ រួមមាន Sounder S Line, T Line, ST Express, King County Metro, Pierce Transit និង Amtrak។

ផែនទីបង្ហាញពីគម្រោងពង្រីក Tacoma Dome Link។ ផ្លូវគម្រោងធ្វើដំណើរពីស្ថានីយទីប្រជុំជន Federal Way នាពេលអនាគតទៅកាន់ទីប្រជុំជន Tacoma នៅជិត Tacoma Dome និង T-Line។ ផែនទីបង្ហាញអំពីជម្រើសផ្លូវជាច្រើននៅក្នុងផ្នែកគម្រោងសំខាន់ៗចំនួន 3៖ South Federal Way, Fife និង Tacoma។ ផែនទីប្រើប្រអប់ពង្រីកចំនួន 4 ដើម្បីអាចបង្ហាញទីតាំងស្ថានីយនៅក្នុងតំបន់ស្ថានីយ៖ South Federal Way, Fife, Portland Avenue និង Tacoma Dome។
ចុច ដើម្បីពង្រីកផែនទី

អត្ថបទខាងក្រោមពិពណ៌នារូបភាពខាងលើ

ផែនទីបង្ហាញពីគម្រោងកំណាត់ផ្លូវរថភ្លើងបន្ថែម Tacoma Dome។ គម្រោងនេះចាប់ផ្តើមនៅមជ្ឈមណ្ឌលដឹកជញ្ជូន Federal Way ជាមួយនឹងផ្លូវធ្វើដំណើរទៅកាន់ភាគខាងត្បូង ជាមួយតំបន់ស្ថានីយមួយនៅ South Federal Way ក្នុងតំបន់ជុំវិញមជ្ឈមណ្ឌលទិញទំនិញ Federal Way Crossings។ ផ្លូវនេះបន្តទៅទិសខាងត្បូង ហើយបត់ទៅទិសខាងលិច ដើម្បីចូលទៅកាន់តំបន់ស្ថានីយមួយក្នុងទីក្រុង Fife។ ផ្លូវបន្តទៅភាគខាងលិចដើម្បីឆ្លងកាត់ទន្លេ Puyallup ដោយចូលទៅក្នុងតំបន់ស្ថានីយចំនួនពីរ មួយនៅជិត Portland Avenue និងមួយទៀតនៅជិត Tacoma Dome ជាកន្លែងដែលគម្រោងបញ្ចប់។

សេចក្ដីព្រាង EIS

យើងបានបោះពុម្ពផ្សាយសេចក្តីព្រាង EIS ថ្ងៃទី 13 ខែធ្នូ ឆ្នាំ 2024 ហើយបានអញ្ជើញប្រជាជាតិកុលសម្ព័ន្ធ ទីភ្នាក់ងារ និងសាធារណៈជនឱ្យផ្តល់មិតយោបល់ជាផ្លូវការក្នុងអំឡុងពេលផ្តល់មតិយោបល់រយៈពេល 60 ថ្ងៃ ដែលបានបញ្ចប់នៅថ្ងៃទី 10 ខែកុម្ភៈ ឆ្នាំ 2025។ សូមអាន សេចក្តីសង្ខេបនៃការចូលរួមសេចក្ដីព្រាង EIS និង របាយការណ៍សង្ខេបស្ដីពីមតិយោបល់នៃសេចក្ដីព្រាង EIS សម្រាប់ព័ត៌មានបន្ថែម។

បន្ទាប់ពីគិតពិចារណលើលទ្ធផលនៃសេចក្ដីព្រាង EIS មិតយោបល់ដែលបានទទួល និងការណែនាំរបស់បុគ្គលិកគម្រោង ក្រុមប្រឹក្សា Sound Transit បានកំណត់នូវ ជម្រើសជំ​នួសដែលពេញចិត្ត ចុចរកនិយមន័យ។ ឥឡូវនេះ Sound Transit នឹងរៀបចំ EIS ចុងក្រោយ ដែលវិភាគនូវជម្រើសដែលពេញចិត្តរួមជាមួនឹងជម្រើសផ្សេងទៀតដែលបានវាយតម្លៃនៅក្នុងសេចក្ដីព្រាង EIS។

របៀបចូលប្រើសេចក្ដីព្រាង EIS

សេចក្ដីព្រាង EIS រួមមានការវិភាគជម្រើសជំនួសដែលបានសិក្សាអំឡុងការពិនិត្យផ្នែកបរិស្ថាន។ ស្វែងយល់ពីរបៀបដែលជម្រើសជំនួសនីមួយៗអាចប៉ះពាល់ដល់ធនធានប្រវត្តិសាស្ត្រ និងវប្បធម៌ ផ្ទះ និងអាជីវកម្ម ធនធានប្រព័ន្ធអេកូឡូស៊ី និងច្រើនទៀត។

តើ EIS ជាអ្វី?

របាយការណ៍អំពីផលប៉ះពាល់បរិស្ថានជួយប្រជាជាតិកុលសម្ព័ន្ធ ទីភ្នាក់ងារ និងសាធារណជនឱ្យយល់ដឹងអំពីផលប៉ះពាល់សក្តានុពលរបស់គម្រោងមកលើបរិស្ថានធម្មជាតិ និងសំណង់។ វាក៏កំណត់វិធីកាត់បន្ថយផលប៉ះពាល់ដែលមិនអាចជៀសវាងបានផងដែរ។ តាមរយៈដំណើរការនេះ យើងវិភាគរបៀបដែលជម្រើសជំនួសនីមួយៗប៉ះពាល់ដល់បរិស្ថាន និងកំណត់វិធានការសម្រាប់ការកាតបន្ថយសក្តានុពលនៃផលប៉ះពាល់នោះ។ EIS ជួយអ្នកធ្វើសេចក្តីសម្រេច សាធារណជន និងដៃគូគម្រោងរបស់យើងពិចារណាពីផលប៉ះពាល់បរិស្ថានដែលអាចកើតមាននៃទីតាំងសក្តានុពលនីមួយៗក្នុងអំឡុងពេលសាងសង់ និងប្រតិបត្តិការ។

Federal Way

Federal Way

កំណាត់ផ្លូវ Federal Way (FW) លាតសន្ធឹងពីស្ថានីយ Federal Way Downtown រហូតដល់ប្រហែល South 344th Street។

នៅថ្ងៃទី 27 ខែមិថុនា ឆ្នាំ 2024 ក្រុមប្រឹក្សា Sound Transit បានជ្រើសរើសទីតាំង South 336th Street (ជម្រើសជំនួសដែលចូលចិត្ត ចុចដើម្បីទទួលបាននិយមន័យ) ជាគម្រោងដែលនឹងត្រូវសាងសង់សម្រាប់កន្លែងប្រតិបត្តិការ និងថែទាំ (Operations and Maintenance Facility, OMF) South រួមជាមួយកំណាត់ផ្លូវប្រវែង 1.4 ម៉ាយល៍នៃផ្លូវរថភ្លើងធុនស្រាលដែលភ្ជាប់វាទៅស្ថានីយ Federal Way Downtown។ ដោយផ្អែកលើសកម្មភាពរបស់ក្រុមប្រឹក្សា Sound Transit យើងនឹងសាងសង់កំណាត់ផ្លូវរថភ្លើង FW ដែលជាផ្នែកមួយនៃគម្រោង OMF South។ ដោយសារតែការកំណត់ពេលវេលាចំពោះសកម្មភាពរបស់ក្រុមប្រឹក្សាលើគម្រោង OMF South សេចក្ដីព្រាង EIS របស់គម្រោង TDLE រួមបញ្ចូលទាំងផលប៉ះពាល់ដល់ការសាងសង់កំណាត់ផ្លូវ FW។ សេចក្ដីព្រាង EIS របស់គម្រោង TDLE ក៏វិភាគផលប៉ះពាល់ផ្នែកប្រតិបត្តិការទៅលើផ្នែកផ្លូវដែកនេះ ព្រោះវានឹងគាំទ្រដំណើរការផ្លូវរថភ្លើងធុនស្រាលប្រចាំថ្ងៃនៅពេលគម្រោង TDLE ចាប់ផ្តើមផ្តល់សេវា។

ផែនទីគូសបញ្ជាក់ព្រំដែននៃជម្រើសជំនួសកំណាត់ផ្លូវដែលពេញចិត្ត Federal Way Enchanted Parkway នៃផ្លូវខាងត្បូង TDLE រវាង South 344th Street នៅភាគខាងត្បូងទៅភាគខាងត្បូងនៃ South 320th Street នៅភាគខាងជើង។ ជម្រើសជំនួសនេះនឹងត្រូវបានសាងសង់ក្នុងពេលតែមួយជាមួយ OMF South។

ចុច ដើម្បីពង្រីក

South Federal Way

ស្វែងយល់អំពីជម្រើសជំនួស និងស្ថានីយដែលបានសិក្សានៅក្នុងកំណាត់ផ្លូវ South Federal Way។

កំណាត់ផ្លូវ South Federal Way នឹងពង្រីកចាប់ពី South 344th Street ដល់ផ្លូវ Federal Way ទឹកដីរបស់ Puyallup Tribe of Indians, Milton និងខោនធី Pierce ដែលមិនបានរួមបញ្ចូលគ្នាជាមួយនឹងទីក្រុងនៃព្រំដែន Fife នៅជិត Wapato Way East ទេ។

ផែនទីបង្ហាញអំពីកំណាត់ផ្លូវ South Federal Way និងជម្រើស ជំនួសស្ថានីយប្រហែលចាប់ពី South 344th Street ទៅដល់ South 320th Street ដែលភាគច្រើននៅតាមបណ្តោយផ្លូវ State Route 99 ឬផ្លូវ Interstate 5។ ផែនទីបង្ហាញថា ជម្រើសជំនួស SF 99-ភាគខាងលិខដែលពេញចិត្ត និងស្ថានីយ SF 99-352nd។ វាមានជម្រើសជំនួសផ្លូវផ្សេងទៀតចំនួនបី ជម្រើសប្លង់ពីរ ទីតាំងស្ថានីយចំនួនបីទៀតដែលអាចមាន និងជម្រើសស្ថានីយមួយ។
ចុច ដើម្បីពង្រីកផែនទី

ជម្រើសជំនួស South Federal Way

នៅក្នុងកំណាត់ផ្លុវ South Federal Way វាមានជម្រើសជំនួសចំនួនបួន និងជម្រើសប្លង់ចំនួនពីរ៖

  • ជម្រើសជំនួស SF 99-ភាគខាងលិខដែលពេញចិត្ត*
  • ជម្រើសជំនួស SF Enchanted Parkway
  • ជម្រើសជំនួស SF I-5
  • ជម្រើសជំនួស SF 99-ភាគខាងកើត
  • ជម្រើសរចនា 99-ភាគខាងលិច
  • ជម្រើសរចនា Porter Way

*ជម្រើសជំនួស SF 99-ភាគខាងលិខដែលពេញចិត្ត ខុសពីជម្រើសជំនួស SF 99-ភាគខាងលិចដែលពេញចិត្តនៅក្នុងសេចក្ដីព្រាង EIS។ ក្នុងអំឡុងពេលនៃសេចក្តីអធិប្បាយក្នុងសេចក្ដីព្រាង EIS យើងបានទទួលការព្រួយបារម្ភអំពីចំនួននៃផលប៉ះពាល់លើអចលនទ្រព្យ ការផ្លាស់ទីលំនៅដែលអាចកើតមាន និងផលប៉ះពាល់តំបន់ដីសើមដែលទាក់ទងនឹងជម្រើសជំនួស SF 99-ភាគខាងលិច តាមរយៈ Milton។ ដើម្បីកាត់បន្ថយផលប៉ះពាល់នៅតំបន់នេះ ក្រុមហ៊ុន Sound Transit បានចាប់ផ្ដើមសិក្សាការកែប្រែផ្លូវ ដោយផ្លាស់ពីចំហៀងខាងលិច ទៅចំហៀងខាងកើតនៃផ្លូវ SR 99 នៅព្រំដែនរវាងខោនធី King/Pierce ហើយបន្តឆ្លងកាត់ទីក្រុង Milton មុនពេលផ្គូផ្គងទៅចំហៀងខាងលិចនៃផ្លូវ I-5 នៅជិតទីក្រុង Fife។ ជម្រើសជំនួសដែលពេញចិត្តរួមបញ្ចូលការកែប្រែនេះ។ ផ្លូវចាស់របស់ជម្រើសជំនួស SF 99-ភាគខាងកើត តាមផ្នែកនេះ ឥឡូវត្រូវបានហៅថា ជម្រើសរចនាសម្រាប់ 99-ភាគខាងកើត។

ស្ថានីយ South Federal Way

យើងបានសិក្សាទីតាំងស្ថានីយចំនួនបួន និងជម្រើសស្ថានីយមួយ ចុចដើម្បីទទួលបាននិយមន័យនៅ South Federal Way៖

  • ស្ថានីយ SF 99-352nd ដែលពេញចិត្ត
  • ស្ថានីយ SF Enchanted Parkway (ជម្រើសស្ថានីយស្ពាន 352nd)
  • ស្ថានីយ SF I-5
  • ស្ថានីយ SF 99-Enchanted

Fife

ស្វែងយល់អំពីជម្រើសជំនួស និងស្ថានីយដែលបានសិក្សានៅក្នុងកំណាត់ផ្លូវ South Fife។

កំណាត់ផ្លូវ Fife ស្ថិតនៅក្នុងតំបន់អភិរក្ស និងដីអាណត្តិព្យាបាលភាពនៃកុលសម្ព័ន្ធឥណ្ឌា Puyallup និងទីក្រុង Fife។ កំណាត់ផ្លូវនេះលាតសន្ធឹងពីដែនកំណត់ទីក្រុងភាគខាងកើតនៅជិត Wapato Way East ទៅដែនកំណត់ទីក្រុងភាគខាងលិចក្បែរទន្លេ Puyallup។

ផែនទិដ្ឋភាពទូទៅនៃជម្រើសជំនួស និងស្ថានីយដែលបានសិក្សា ក្នុងកំណាត់ផ្លូវ Fife ចាប់ពីចំណុចប្រហាក់ប្រហែលការតភ្ជាប់ Wapato Way East ទៅ Pacific Highway East និងការឆ្លងកាត់ 20th Street East ក្រោមផ្លូវល្បឿនលឿនអន្តររដ្ឋលេខ 5។ ផែនទីបង្ហាញពីជម្រើសជំនួស Fife I-5 ដែលពេញចិត្ត និងស្ថានីយ Fife ដែលពេញចិត្ត្។ មានជម្រើសជំនួសផ្លូវផ្សេងទៀតចំនួនពីរ និងជម្រើសរចនាស្ថានីយចំនួនពីរដែលបានបង្ហាញ។
ចុច ដើម្បីពង្រីកផែនទី

ជម្រើសជំនួស Fife

នៅក្នុងកំណាត់ផ្លូវ Fife យើងបានសិក្សាជម្រើសជំនួសបី៖

  • ជម្រើសជំនួស Fife I-5 ដែលពេញចិត្ត
  • ជម្រើសជំនួស Fife Pacific Highway
  • ជម្រើសជំនួស Fife Median

ជម្រើសជំនួសនីមួយៗអាចត្រូវបានផ្គូផ្គងជាមួយស្ថានីយណាមួយនៅកំណាត់ផ្លូវ Fife។

ស្ថានីយ Fife

យើងបានសិក្សាទីតាំងស្ថានីយចំនួនបីនៅ Fife ដែលអាចត្រូវបានផ្គូផ្គងជាមួយជម្រើសជំនួសណាមួយ៖

  • ស្ថានីយ Fife ដែលពេញចិត្ត
  • ជម្រើសស្ថានីយ Fife 54th Avenue
  • ជម្រើសស្ថានីយស្ពាន Fife 54th

Tacoma

ស្វែងយល់អំពីជម្រើសជំនួស ស្ថានីយ Portland Avenue និងស្ថានីយ Tacoma Dome ដែលត្រូវបានសិក្សានៅក្នុងកំណាត់ផ្លូវ Tacoma។

កំណាត់ផ្លូវ Tacoma រួមបញ្ចូលតំបន់ពីដែនកំណត់ទីក្រុង Fife/Tacoma ឆ្លងកាត់ទន្លេ Puyallup ទៅកាន់ស្ថានីយ Tacoma Dome ដែលមានស្រាប់ តាមរយៈតំបន់អភិរក្ស និងដីអាណត្តិព្យាបាលភាពនៃកុលសម្ព័ន្ធឥណ្ឌា Puyallup។ តំបន់ស្ថានីយ Portland Avenue នឹងស្ថិតនៅក្នុងតំបន់អភិរក្ស។ កំណាត់ផ្លូវ Tacoma នៃគម្រោងនឹងមានស្ថានីយចំនួនពីរ៖ Portland Avenue និង Tacoma Dome។

ផែនទីទិដ្ឋភាពទូទៅនៃជម្រើសជំនួស និងស្ថានីយដែលបានសិក្សាក្នុងកំណាត់ផ្លូវ Tacoma ដែលចាប់ផ្តើមពីចំណុចចូលទៅកាន់ទន្លេ Puyallup តាមផ្លូវល្បឿនលឿនអន្តររដ្ឋលេខ 5 ហើយបញ្ចប់នៅជិតផ្លូវ East D Street លើផ្លូវ East 25th ឬ East 26th។ ផែនទីបង្ហាញពីជម្រើសជំនួស និងស្ថានីយ Tacoma ជិត Sounder ដែលពេញចិត្ត និងស្ថានីយ Portland Avenue ដែលពេញចិត្ត។ នៅក្នុងតំបន់ស្ថានីយ Portland Avenue មានជម្រើសរចនាមួយផ្សេងទៀត និងជម្រើសស្ថានីយត្រូវបានបង្ហាញ។ នៅក្នុងតំបន់ស្ថានីយ Tacoma Dome មានជម្រើសបីផ្សេងទៀត និងទីតាំងស្ថានីយដែលបានបង្ហាញ។
ចុច ដើម្បីពង្រីកផែនទី

ជម្រើសជំនួស Tacoma

នៅក្នុងកំណាត់ផ្លូវ Tacoma យើងបានសិក្សាជម្រើសជំនួសបួន៖

  • ជម្រើសជំនួស Tacoma ជិត Sounder
  • ជម្រើសផ្លូវជំនួស Tacoma 25th Street-ភាគខាងលិច
  • ជម្រើសផ្លូវជំនួស Tacoma 25th Street-ភាគខាងកើត
  • ជម្រើសផ្លូវជំនួស Tacoma 26th Street-ភាគខាងកើត

ជម្រើសជំនួសនីមួយៗអាចត្រូវបានផ្គូផ្គងជាមួយស្ថានីយ Portland Avenue។

ស្ថានីយ Portland Avenue

បន្ទាប់ពីឆ្លងកាត់ទន្លេ Puyallup ជម្រើសជំនួសទាំងអស់នឹងធ្វើដំណើរទៅភាគពាយព្យដើម្បីបម្រើស្ថានីយ Portland Avenue ដែលមានកម្ពស់ខ្ពស់ស្ថិតនៅចន្លោះផ្លូវ East Portland Avenue និង East Bay Street។

យើងបានសិក្សាទីតាំងស្ថានីយចំនួនពីរនៅជិត Portland Avenue ដែលអាចត្រូវបានផ្គូផ្គងជាមួយជម្រើសជំនួសណាមួយ៖

  • ស្ថានីយ Portland Avenue ដែលពេញចិត្ត
  • ជម្រើសស្ថានីយស្ពាន Portland Avenue

ស្ថានីយ Tacoma Dome

យើងបានសិក្សាទីតាំងស្ថានីយ Tacoma Dome ចំនួនបួនដែលនីមួយផ្គូផ្គងជាមួយជម្រើសមួយរៀងៗខ្លួន៖

  • ស្ថានីយ Tacoma ជិត Sounder ដែលពេញចិត្ត
  • ស្ថានីយ Tacoma 25th Street-ភាគខាងលិច
  • ស្ថានីយ Tacoma 25th Street-ភាគខាងកើត
  • ស្ថានីយផ្លូវ Tacoma 26th Street

ព័ត៌មានសម្រាប់ម្ចាស់អចលនទ្រព្យ

ដើម្បីសាងសង់គម្រោង TDLE, Sound Transit នឹងត្រូវការទិញ និងប្រើប្រាស់ទ្រព្យសម្បត្តិឯកជន។ ក្នុងករណីខ្លះ វាមានន័យថាការផ្លាស់ទីមនុស្សចេញពីផ្ទះ ឬអាជីវកម្មរបស់ពួកគេ។

ប្រសិនបើអ្នកជាម្ចាស់អចលនទ្រព្យ អ្នកប្រហែលជាបានទទួលលិខិតពីក្រុមហ៊ុន Sound Transit អំពីអចលនទ្រព្យរបស់អ្នកមុនការបោះពុម្ពផ្សាយសេចក្ដីព្រាង EIS។ ការជូនដំណឹងនេះមិនមានន័យថា ក្រុមហ៊ុន Sound Transit បានសម្រេចចិត្តថាយើងត្រូវការទិញអចលនទ្រព្យរបស់អ្នកទេ។ អាស្រ័យលើជម្រើសជំនួសដែលបានជ្រើសរើសដើម្បីសាងសង់នោះ ក្រុមហ៊ុន Sound Transit អាចនឹងត្រូវទទួលបានអចលនទ្រព្យមួយចំនួន ឬទាំងអស់របស់អ្នកនៅដំណាក់កាលគម្រោងបន្ទាប់។

ជាការរំលឹក Sound Transit នឹងមិនបញ្ចប់ការសម្រេចចិត្តលើអចលនទ្រព្យដែលរងផលប៉ះពាល់ និងការទិញយករហូតដល់បន្ទាប់ពីការបោះផ្សាយ EIS ច្បាប់ចុងក្រោយ និងចំណាត់ការរបស់ក្រុមប្រឹក្សាភិបាលដើម្បីជ្រើសរើសគម្រោងដែលត្រូវសាងសង់។ ការសម្រេចចិត្តរបស់ក្រុមប្រឹក្សាត្រូវបានរំពឹងនៅឆ្នាំ 2027។

ស្វែងយល់បន្ថែមឥឡូវនេះ

ក្រុមគម្រោងរបស់យើងអាចជួយឆ្លើយរាល់សំណួរដែលអ្នកអាចមានអំពីដំណើរការនេះ។ ដើម្បីឈ្វេងយល់បន្ថែម៖

សូមចំណាំថាផលប៉ះពាល់ជាក់លាក់ចំពោះអចលនទ្រព្យបុគ្គលមិនទាន់ត្រូវបានសម្រេចបញ្ចប់នៅឡើយទេ។ យើងដឹងថារយៈពេលនៃភាពមិនច្បាស់លាស់នេះអាចជាភាពតានតឹង។ យើងនៅរង់ចាំជួយអ្នក។

សំណួរដែលសួរញឹកញាប់

ជំហានបន្ទាប់

យើងនឹងបន្តការពិនិត្យបរិស្ថាន និងការសម្របសម្រួលជាមួយភាគីសំខាន់ៗ រហូតដល់ការបោះពុម្ពផ្សាយឯកសារ EIS ចុងក្រោយ ដែលរំពឹងនៅឆ្នាំ 2027។ យើងនឹងវាយតម្លៃជម្រើសជំនួសដែលពេញចិត្តជាមួយជម្រើសជំនួសផ្សេងៗទៀតក្នុងឯកសារ EIS ចុងក្រោយ។

2025–2026

  • ការត្រួតពិនិត្យបរិស្ថាន និងការរចនាដើមកំពុងបន្ត

ឆ្នំា 2027

  • ឯកសារបោះពុម្ព EIS ច្បាប់ចុងក្រោយ
  • ក្រុមប្រឹក្សាភិបាល Sound Transit ជ្រើសរើសគម្រោងដែលត្រូវសាងសង់
  • រដ្ឋបាលដឹកជញ្ជូនសហព័ន្ធចេញកំណត់ត្រាអំពីការសម្រេចចិត្ត

ចុងឆ្នាំ 2027

  • ចាប់ផ្តើមការរចនាចុងក្រោយ

2029

  • ចាប់ផ្ដើមការសាងសង់

2035*

  • កាលបរិច្ឆេទផ្ដល់សេវាកម្មដែលបានព្យាករ

* ចំណតនៅស្ថានីយ South Federal Way និង Fife ត្រូវបានព្យាករថានឹងបើកនៅឆ្នាំ 2038។